ملک میں پانی کا بحران! خشک ہوگئے کئی ڈیم، 13 بڑے آبی ذخائر میں پانی نصف سے بھی کم، سی ڈبلیو سی رپورٹ سے تشویش میں اضافہ

اس دوران محکمہ موسمیات نے مانسون کی جلد آمد کی پیش گوئی کی ہے تاہم ال نینو کے اثرات کے خدشات برقرار ہیں۔ ال نینو بحرالکاہل میں سمندر کے درجہ حرارت میں اضافے کی وہ حالت ہے، جو ہندوستانی مانسون کو متاثر کرتی ہے اور اکثر بارش کو کمزور کرتی ہے۔ ایسی صورتحال میں سینٹرل واٹر کمیشن نے خبردار کیا ہے کہ گرمی بڑھنے اور مانسون میں تاخیر ہونے پر صورتحال تیزی سے بگڑ سکتی ہے۔ وہ ریاستیں جہاں آبی ذخائر پہلے ہی نصف تک پہنچ چکے ہیں، خاص طور پر خطرے میں ہیں۔ ماہرین کا خیال ہے کہ مئی کے آخر تک اگر پری مانسون بارشیں ختم نہیں ہوئیں تو کئی علاقوں کو پینے کے پانی کی فراہمی، آبپاشی اور بجلی کی پیداوار پر شدید دباؤ کا سامنا کرنا پڑ سکتا ہے۔