سونے اور چاندی کی قیمتوں میں تیزی، چاندی 5100 روپے مہنگی، سونا بھی اوپر چڑھ گیا

ممبئی: سونے اور چاندی کی قیمتوں میں پیر کو ایک بار پھر تیزی دیکھنے کو ملی، جس کے باعث دونوں قیمتی دھاتوں کے دام میں نمایاں اضافہ درج کیا گیا۔ خاص طور پر چاندی کی قیمت میں بڑی چھلانگ دیکھنے کو ملی، جبکہ سونے کی مختلف اقسام کے نرخوں میں بھی اضافہ ہوا ہے۔

انڈیا بلین اینڈ جیولرس ایسوسی ایشن کی جانب سے جاری اعداد و شمار کے مطابق 24 قیراط سونے کی قیمت 740 روپے بڑھ کر ایک لاکھ 58 ہزار 857 روپے فی 10 گرام ہو گئی۔ اس سے قبل اس کا دام ایک لاکھ 58 ہزار 117 روپے فی 10 گرام تھا۔