فضائی آلودگی محض موسمی تبدیلیوں کا نتیجہ نہیں، یہ پالیسی سازی اور اس کے نفاذ میں ناکامی کا ثبوت ہے: اجئے ماکن

موسم سے متعلق اہم حقائق سامنے رکھنے کے بعد اجئے ماکن نے حکومت سے مطالبہ کیا کہ کاربن مونو آکسائیڈ کے بڑے ذرائع، خصوصاً گاڑیوں کے دھوئیں اور کھلے میں کچرا یا دیگر اشیا جلانے کے عمل پر فوری روک لگائی جائے۔ انہوں نے آنند وہار میں مقامی سطح پر آلودگی کے ذرائع کے خلاف فوری کارروائی اور عوام کے لیے صحت سے متعلق وارننگ جاری کرنے کا بھی مطالبہ کیا۔ انھوں نے مزید کہا کہ جن دنوں فضائی معیار ’خراب‘ یا اس سے اوپر کے درجے میں پہنچ جائے، ان دنوں خصوصی عوامی صحت پروٹوکول نافذ کیے جانے چاہئیں تاکہ شہریوں کو آلودگی کے مضر اثرات سے بچایا جا سکے۔ اپنی پوسٹ کے آخر میں اجئے ماکن نے کہا کہ ’’سانس لینا ایک بنیادی حق ہے، کوئی سہولت نہیں۔‘‘