230 مسافروں کی 8 گھنٹوں تک ہوا میں اٹکی رہی سانسیں، امریکہ جا رہا ایئر انڈیا کا طیارہ دہلی لوٹا

میڈیا رپورٹس کے مطابق بدھ کی صبح تکنیکی خرابی سے متعلق جانکاری ملنے کے بعد اس طیارہ کو ہندوستان کی راجدھانی دہلی کی طرف لوٹانا پڑا۔ اس سلسلے میں کمپنی کی طرف سے کوئی آفیشیل بیان جاری نہیں کیا گیا ہے، لیکن تکنیکی خامی کے اندیشے ظاہر کیے جا رہے ہیں۔ میڈیا میں آ رہی خبروں میں بتایا جا رہا ہے کہ طیارہ میں خرابی کی خبر ملتے ہی پائلٹ نے طیارہ کو دہلی کے اندرا گاندھی بین الاقوامی ہوائی اڈہ (آئی جی آئی) کی طرف ڈائیورٹ کر دیا۔ حالانکہ اس بارے میں ایئرپورٹ مینجمنٹ اور ڈی جی سی اے کی طرف سے کوئی آفیشیل بیان جاری نہیں کیا گیا ہے۔